Россиялыктардын Кыргызстандагы рекорду. Видео

Кыргызстанга келген Россиянын жарандарынын саны рекордду жаңылады. Россиянын Федералдык коопсуздук кызматынын маалыматына таянсак, жарандар 2022-жылдын июлунан сентябрына чейин Кыргызстанга 167 миң жолу чыккан.

Бул өткөн жылдагы ушул мезгилге салыштырмалуу 91 пайызга жогору. Ошондой эле Казакстан, Армения, Тажикстан, Моңголия жана Абхазияга барган россиялыктардын саны соңку 5 жылдагы рекордду жаңылады.

Президент Владимир Путиндин жарлыгы менен жарым-жартылай мобилизациялоо иштери 21-сентябрда башталган. 28-октябрда аяктаганы тууралуу маалымат тарады.