Жүнгө оролуп эгилген картошка. Видео

Эрте жазда картошканы койдун жүнүнө ороп эккен Кадамжай районунун Чечме айылынын тургуну Каныбек Парманов 7,5 сотых жерден 3 тонна картошка түшүмүн алды.

Дыйкандын айтымында, түшүмдү өндүрүүдө эч кандай химиялык жер семирткич колдонгон эмес.

Мурда ошол эле 7,5 сотых жерден түрдүү химиялык жер семирткичтерди колдонуп отуруп, 2 тоннага жакын түшүм алса, быйыл жөнкөй ыкманы пайдаланып, салыштырмалуу 1 тоннага көп түшүм жыйнады.