Кытайдан ташылган импорт 3 эсе көбөйдү

Кыргызстанга Кытайдан алынып келген товардын көлөмү 3 эсе жогорулады. Улуттук статистика комитетинин маалыматына таянсак, импорттун көлөмү 3,1 млрд долларга жеткен.

Кытай Кыргызстандын соода жүгүртүүдөгү өнөктөштөрүнүн ичинен 1-орунду ээлейт. Тактап айтсак, жалпы импорттун 44 пайызы бул өлкө менен байланыштуу.

Ал эми Кыргызстандан Кытай Эл Республикасына болгон экспорт 47 млн долларга жетти. Былтыр дагы ушундай көрсөткүч болгон.