Айдоочуну атып өлтүргөн патрулчу 16 жылга кесилди

Чыңгыз Абдыраев 32 жашында Милициянын кайгуул кызматынын кызматкери аткан октон каза тапкан. 1 жыл 3 айга созулган тергөө иштеринен кийин Свердлов райондук соту 22-ноябрда өкүм чыгарды.

Жыйынтыгында адам өлүмүнө айыпталган мурунку кайгуулчу Дулатбек уулу Жакутбек 16 жылга эркиндигинен ажыратылды. Бул ишке ошол учурда Милициянын кайгуул кызматында эмгектенип жаткан 3 кызматкер да аралашкан. Алар кызмат абалынан кыянаттык менен пайдалануу беренеси боюнча айыпталып, жыйынтыгында 3 жылга пробациялык көзөмөлгө алынды.

Окуя 2021-жылдын 27-августунда кечки саат 21:00 - 22:00 чамасында болгон. Кайгуулчулар жол эрежесин бузгандыгы тууралуу протокол толтуруп баштап, сүйлөшүү учурунда пикир келишпестик жаралып, айыпкер маркумга ок аткан.