ЖК: Эки аялдуулук боюнча мыйзам долбоору жок

Эки аялдуулукту мыйзамдаштырууну сунуштаган долбоор демилгеленген жок. Мындай маалыматты парламенттин басма сөз кызматынын жетекчиси Жайыл Русланов таратты.

Буга чейин кош никеге уруксат берген мыйзам долбоору коомдук талкууга чыга турганы тууралуу маалыматтар тараган. Ал ортодо интернет талаасында бул тема кызуу талкууланып жатат.

Парламент туура эмес маалыматтарды жайылткан тараптар жоопкерчиликке тартыла турганын да эскертти.